15. Stjórnarfundur 21. september, 2017 Stjórn Samtakanna ‘78 Starfsárið 2017 – 2018 15. fundur Þann 21. september 2017 var haldinn fundur á Hallveigarstöðum kl. 18:00. Fundinn sátu: Sigurður Júlíus Guðmundsson – SJG, varaformaður. Benedikt Traustason – BT, gjaldkeri. Álfur Birkir Bjarnason – ÁBB, ritari. Guðmunda Smári Veigarsdóttir- GSV, meðstjórnandi. Þórhildur Elínardóttir Magnúsdóttir – ÞEM, meðstjórnandi. Daníel Arnarsson – DA, framkvæmdastjóri. Sólveig Rós – SR, fræðslustýra Fundur settur 18:05 1. Samþykkt síðustu fundargerða Fundargerð 14. fundar samþykkt. 2. Ökutækjastyrkur fræðslustýru BT og DA finna upphæð fyrir styrk. Þess má geta að slíkur styrkur er undanþeginn skatti og verður greiddur með launum í hverjum mánuði. 3. Fræðslur, verðlagning DA og SR útbúa heildstæða verðskrá og bera undir stjórn fljótlega. Greiðslur til jafningjafræðara endurskoðast samhliða. 4. Edinborgarferð SR skipuleggur umsókn fyrir sjálfboðaliðaferð til Edinborgar um starf með hinsegin ungmennum. Ræðum síðar hverjir vilja koma með. Sólveig Rós gengur af fundi 18:40 5. Samningar við Reykjavíkurborg, staðan Samningavinna er hafin í góðri samvinnu við Reykjavíkurborg. 6. Ný skipting nefnda og ráða DA hefur verið að skerpa á núverandi nefndum og ráðum Samtakanna ‘78. Hann kynnir stjórn það betur á vefnum með ÁBB. 7. ILGA-Europe ráðstefnan, staða DA ræðir við Kitty Anderson og aðra sem fara á ráðstefnuna um greiðslu skráningargjalda og annað sem viðvíkur ráðstefnunni. 8. Workplace Pride DA hefur verið að ræða við ýmsar stofnanir. Ákveðið að brjóta verkefnið niður og lengja ferlið. Áhersla lögð á rannsóknir til að byrja með. 9. Boð frá VG VG hefur boðið S78 að vera með bás á landsfundinum sínum 6. október. SJG hefur áhuga á að taka þátt. DA athugar tímasetningar. 10. Pieta Ísland Fengum beiðni frá framkvæmastýru Pieta um að rækta frekari tengsl. Við leggjum til að vinna með þeim hvað fræðslu varðar og að ráðgjafar beggja félaga þekki til ráðgjafa hinum megin. Dreifum bæklingum. 11. Samfélagssjóðir og aðrir sjóðir DA leggur til að S78 sæki um í samfélagssjóði vegna ýmissa mála. Samþykkt. 12. Framkvæmdir á Suðurgötu 3 Bogi smiður hefur verið að dytta að ýmsu. Það þarf að fara í framkvæmdir vegna lagna á efri hæðum. Peningur fyrir því kemur úr hússjóði. 13. Önnur mál a) Vefsíðan DA hefur fengið tilboð í nýja vefsíðu. Stjórn samþykkir tilboð með því skilyrði að fjármögnun náist. Fundi slitið 20:55 Fundargerð ritaði Álfur Birkir Bjarnason
