Fræðsla frá Samtökunum ´78 hefur aldrei verið eftirsóttari. Því auglýsum við nú eftir fræðslufulltrúa til að halda utan um sívaxandi fræðslustarfsemi okkar. Um hlutastarf er að ræða fram til 1. desember nk. (40%) með möguleika á framlengingu og auknu starfshlutfalli síðar. Verkefni: Hafa umsjón með fræðslu. Þróa hana í samræmi við nýjustu þekkingu og þarfir áheyrenda hverju sinni. Þjálfa jafningjafræðara og auglýsa eftir jafningjafræðurum eftir því sem þurfa þykir. Hafa umsjón með fræðsluhluta þeirra þjónustusamninga sem nú eru í gildi við samtökin. Auglýsa fræðslu og leita eftir nýjum samningum við stofnanir, sveitarfélög eða aðra aðila í samvinnu við framkvæmdastýru og stjórn. Næsti yfirmaður er framkvæmdastýra Samtakanna ´78. Hæfniskröfur: Stúdentspróf. Háskólagráða sem nýtist í starfi er kostur, t.d. kynjafræði. Tilvalið fyrir háskólanema. Hæfileikar til að halda fyrirlestra og koma fram fyrir hóp af fólki. Góð þekking á hinsegin málefnum. Öguð og sjálfstæð vinnubrögð. Vinnutími er óreglulegur og fer eftir nánara samkomulagi við framkvæmdastýru og stjórn samtakanna. Vinsamlegast sendið umsókn ásamt ferilskrá á skrifstofa@gamli.samtokin78.is fyrir 31. maí næstkomandi.
