Stólarnir okkar eru 35 ára gamlir og að gefast upp á lífinu. Við viljum gjarnan kaupa nýja stóla sem notaðir verða fyrir opin hús, fræðslufundi, fyrirlestra, ráðgjöf og allt hitt sem við gerum hjá Samtökunum ´78 í þágu mannréttinda. Hjálpaðu okkur við að fjárfesta í nýjum, staflanlegum stólum með því að súpa á kakói, kaffi eða jólaglögg á opnu húsi að Suðurgötu 3 á Þorláksmessu frá kl. 15-22. Við erum steinsnar frá Ingólfstorgi! POSI á staðnum Jólaglögg, kakó eða kaffi með: • þökkum: 500 kr. • þúsund þökkum: 1000 kr. • tvöþúsund þökkum: 2000 kr. • eilífum þökkum: 5000 kr. Hundruðir bóka úr bókasafni Samtakanna einnig til sölu. Barnabækur og leikföng í barnahorninu. Ef fólk hefur áhuga á að troða upp með einhverjum hætti hafið þá samband við skrifstofa@gamli.samtokin78.is Hlökkum til að sjá þig! Aðgengilegt fyrir fólk með hreyfihömlun
