Á fundi sínum í gærkvöldi veittu félagar Samtakanna ´78 stjórn félagsins umboð til þess að ganga frá kaupum á nýju húsnæði að Suðurgötu 3, að uppfylltum fyrirvörum sem kynntir voru, ásamt því að fara með núverandi húsnæði félagsins í söluferli. Það hyllir því undir miklar breytingar hjá félaginu en ánægjulegt upphaf að samþykki þetta var veitt einróma. Fundargerð verður birt á vef Samtakanna ´78 innan skamms og félagsmenn upplýstir um gang mála um leið og hlutir skýrast.
